المنتسوري والكتابة

"ابني لا يستطيع مسك القلم"
"ابنتي يداها ضعيفتان ولا تتقن كتابة الحروف جيداَ"
"ابنتي متأخرة في الكتابه عن زملائها في الفصل "

الامهات لاطفال مرحلة الروضة كثيري الشكوى عن ضعف ايدي اطفالهم وعدم قدرتهم علي الكتابة جيداَ,وتعلو توقعاتهم بالنسبه لتعلم اطفالهم للكتابة,ولكن الواقع مغاير عن هذه التوقعات, فتطور المهارات الحركيه الدقيقة المسؤله عن الكتابة تاخذ وقتا وتدريبا ليكون الطفل قادر علي امساك القلم جيدا واتقانها ايضا.

والكثير من الامهات لديهم تساؤلات عديدة,ولها حلول فعالة جدا في منهج المنتسوري ...هيا بنا نتعرف عليها 

أولا..

ماهو العمر المناسب لتعليم الطفل الكتابة ؟  لقد أشار علماء رياض الاطفال المتخصصين في هذه المرحلة ان الضغط على الطفل لتعلم الكتابه في هذا الوقت غير صحيح فهذا يكلف الطفل فوق طاقته ويرسخ في عقله أن الهدف من الذهاب الى الروضة هو تعلم الكتابة والقراءة فقط لا غير وبالاكثر اذا دفعته الام الى ذلك بكل السبل وبدون الانتباه الى اسلوب التعلم الذى يناسب طفلها ويفيده عقليا وذهنيا ويهيئه الى القراءة والكتابة في سن متقدمة ... ولكن.. ماهو الهدف لذهاب الطفل الى الروضة من سن الرابعه ان لم يكن للقراءة والكتابة ؟؟ ...الطفل في هذا الوقت يحتاج الى تدريب ذهني ويدوي وحركي ليصبح مهيأ لهذه العملية الهامه وهذا دور معلمة الروضة بالاشتراك مع الام في المنزل ... واليك بعض التدريبات المهيئة للكتابة ويحتاجها الطفل في هذا الوقت ... ما هو منظور المنتسوري في تعلم الكتابة ؟ تعلم الحروف حسب منهج مونتيسوري مشابه لتعليم الأشكال، فكما أن الأطفال يتعلمون كيفية التمييز بين الأشكال الهندسية عن طريق اللمس أولا ثم عن طريق النظر،نجد كذلك أن ماريا منتسوري تنصح باتباع هذه الطريقة في تعليم الحروف فتصنع الحروف من خشب أو من ورق مقوى و بلمس الأطفال لهذه الحروف يتعلمون أسماءها الواحد تلو الآخر أثناء عملية اللمس. بعد ذلك تعرض عليهم الحروف مكتوبة على الورق، وهنا تأتي المرحلة الثانية من مراحل تعلم الكتابة و هي تعلم الحروف عن طريق حاسة النظر . كيف اساعد طفلي في هذه المرحلة؟ أولا تستطيع الام بتنميه المهارات الحركيه الصغري من خلال انشطة النقل في المنتسوري ..لشرح هذه الانشطه نرفق صور أطفالنا في المركز للتوضيح. 1. نشاط الكبش الادوات المطلوبة: 2 طبق,حبوب كبيرة(فول-عدس),صينيه دور الام: شرح كيفية تنفيذ النشاط:نقل كل الحبوب من الطبق للاخر باستخدام الاصابع فقط  2.النقل بالمغرفةscooping  الادوات :2 طبق-مغرفة-حبوب دور الام : توجيه الام كيفيه النقل بالمغرفة فقط كل الحبوب بدون استخدام الايدي 3.النقل بالملقاط الادوات : 2 طبق ,حبوب اوكور قطن ,ملقاط 4.نقل الماء  الادوات :2 كوب -قطارة-اسفنجة-2 اناء دور الام:تعليم الطفل نقل الماء اولا بالاناء,ثم بالقطارة,ثم بالاسفنجة. ووضع شيئ لامتصاص الماء تحت صينية النشاط كل هذه الانشطة تساعد في تقويه عضلات اليد والاصابع والمعصم تستطيع الام في البدء في هذه الانشطة من سن سنتين,وتنمي التوافق العصبي والعضلي,وتهيؤه للكتابة فيما بعد. وللمنتسوري انشطة في قسم اللغة,تخاطب مباشرة الكتابة عند الاطفال سنقوم باستعراضها في مقال اخر المدونة .

سلسلة العند المقال الأول

سلسلة العند

#ليه_بيعند
هناك أسباب كثيرة

أولها: التغيير الجسدى

 فى عمر من 2 ل 4 او 5 سنوات

الجسم بيتطور بشكل جامد فى المرحلة دى بيقدر يقف لوحده بيقدر يمسك يتحرك بيعمل حاجات كتير لوحده ما بقاش محتاجك زى الاول فلازم يعلن عن دا ولان اللغة مش متطورة بنفس القدر ولان العقل والقدره على التحليل مش بنفس القدر فمش بيعرف يتفاوض فبيقول لا و بيصر على اللى هو عاوزه دون ذكر أسباب واحنا بنسميه عند

فى الفترة من 11 عام تقريبا

ومع بداية التغيرات الجسدية لعمر المراهقة بيحصل تغييرات هرمونية قوية جدا وبيكون التغيير المزاجى عالى جدا و الشك واحلام اليقظة والشعور بالضيق والخنقة من غير سبب والتشتت والكسل كل دا مع بعض طبيعى تبقى اسهل كلمة فى عز الدوشة دى هى كلمة لا وبرضة هو بينتقل من مرحلة الطفولة للشباب ومحتاج يعلن عن دا بقول لا

دى الفترات الطبيعية للعند بعد كده
لازم نفهم ان العند سلوك يعنى الطفل مش مولود بيه طيب ايه اللى ممكن يخلى الطفل يكتسبه من اسباب غير طبيعية

أولا:الشخصية المدققة

لما يكون فى شخصية ناقدة ودقيقة طول الوقت بتعلق على الكبيرة والصغيرة و لا تستوعب الفترات العمرية ولا الاحتياجات العمرية للطفل + طفل بفطرته قيادى او على الاقل واثق من نفسه
الاتنين دول مع بعض يؤدوا لطفل عنيد وهنا لو دققنا هنلاقى ان العند نعمة لان فى حالات تانية من الاطفال مع نفس ذات الشخصية بتنكسر وبتضيع و اعتقد ان العند 

افضل

 ثانيا: النموذج العنيد
طالما يوجد نموذج عنيد فى حياة الطفل فلا نستنكر عليه اكتساب العند ابدا النموذج دا ممكن يبقى شخص بالغ او طفل تانى خاصة لو الشخص دا مسموع له او الطفل دا بيتنفذله اللى هو عاوزه بعد ما يعند

ثالثا: عدم التعامل مع مراحل العند الطبيعية بطريقة سليمة

 تنتج عندا مستمرا
و الرد على العند بعند اكبر منه

رابعا: الانتقال من مرحلة لمرحلة نفسية

 يعنى مثلا
-الانتقال من المسالمة المجتمعية البحته ( الطفل اللى بيسكت على كل حاجه بتحصله من ضرب او تريقه ) الى مرحلة المناوشة ( يبدأ ياخد حقه ) هنا بتحصل مرحلة من مراحل التلطيش فى كل حاجه و خاصة المقربين ويبدأ سلوك العند

-الانتقال من المثالية الى تجريب الاخطاء التى وقع فيها الاطفال اللى اصغر منه و اللى فى نفس عمره ودى غالبا بنشوفها عند الاطفال المثالية اللى بتمشى على الخط اللى مرسوملها لما يبدأوا يحتكوا شوية بالمجتمع و مالهاش عمر معين.

خامسا: اذا كان قانون القوة هو ما يحكم البيئة التى يحتك فيها الطفل 

 من مدرسة - شارع- جيران -بيت بمعنى ان الاقوى دائما يكسب فلا تستبعدى سلوك العند.

سادسا: تنفيذ رغبات الطفل بدون ضوابط دائما وأبدا وتحت أى ظروف

طيب اعمل ايه فى الحالات دى و لما أشوف العند عند ابنى اتصرف ازاى
استنونى المقال الجاى#حلول_عملية_للعند_عند_الاطفال

خطوات عمليه لتحبيب أولادى فى الصلاة ( الخطوة الرابعة المرحلة التانية )

خطوات عملية لتحبيب أولادى فى الصلاة الخطوة الرابعة المرحلة التانية

 الخطوة الرابعة المرحله التانية 

الضرب اضعف سلاح ممكن تستخدميه مع طفل ليه بقى
لان الضرب معناه انك يئستى
الضرب معناه ان حيلتك قليلة و ما عندكيش حلول
الضرب بيصحى عند المضروب عالم الحيوانية يعنى امتى اكبر بقى وابقى اقوى ساعتها مش هتقدر تعمل كده
او يحس ان انا دايما فريسة فهفضل فريسة وننتج ضعيف الشخصية
تفتكروا ربنا عاوز كده مننا اننا نطلع طفل بالشكل دا علشان يصلى الصلاة اللى هى مفترض قوة روحانية واتصال بربنا ومحتاجينها علشان تحفظ الطفل من كل سوء محتاجين القوة اللى ناتجه منها؟؟؟؟

الضرب فى الاسلام ليه معنيين:
الضرب اللى هو الايذاء الجسدى ودا ورد بشكل واضح مع ناس بالغة عملت كبيرة من الكبائر تعدوا فيها على ان هم بيعملوا ذنب مع انفسهم لا دا اذاهم قد طال المجتمع

وهنا الايذاء الجسدى ربنا ماسبهوش كده حدده بالضبط فين يعنى على اليد او الارجل او او
واللى بينفذه هم اولى الامر يعنى الناس العادية لا دول اولى الامر
وبدون الخوض فى تفاصيل اللغة العربية هتلاقى الايه او الحديث اللى بيتكلم عن كده فعل ضرب فيها فعل متعدى يعنى ليه مفعول به

الضرب التانى هو السعى والحركة

وهنا ربنا والرسول صلى الله عليه وسلم بيستخدموه فى المواقف اللى لازم يكون فيها محاولة حقيقية مش بالكلام وبس لا بالسعى الامر قد تخطى القعدة والرغى
وبرضه هتلاقى فى الحالة دى فعل ضرب فعل لازم يعنى مالهوش مفعول بيه

يعنى لما اقعد احاول مع طفل من 7 سنوات الى 10 سنوات بوسائل مختلفة علشان الصلاة وفى النهاية الاقيه انه مش بيصلى فالامر يستلزم وقفة ولابد من سعى يعنى افراغ وقت للطفل دا واشوف ايه حكايته.
#الخطوة_الرابعه #واضربوهم_2
الخطوة دى للى اولادهم تموا 10 سنوات اللى قبل 10 يرجعوا للخطوة السابقة

1-راجعى علاقتك بابنك او بنتك هى علاقة مبنية على الاحترام والاخد والعطا ولا هى قائمة على الاوامر والشد والجذب

2-لو ما كنتيش بدأتى اى خطوات قبل كده فى موضوع الصلاة قصدى خطوات صحيحة فارجعى للخطوات السابقة هتلاقى اللينكات فى الكومنتات

3- عملتى كل حاجه ولسه برضه دا معناه ان فى حاجه اقوى من كلامك موقفاه وعلاقتها بيه اقوى من علاقتك راجعى حاجتين
-راجعى صحبة ابنك مين اصدقاءه وبيتكلموا معاه فى ايه
-راجعى ما يشاهده ابنك على اليوتيوب و النت

4- اعرفى ان سمات مرحلة المراهقة الكسل والنوم الكتير والتوهان وقلة التركيز و الصراع النفسى والشك فى كل اللى اتربى عليه غالبا الكلام دا بيبدأ من عمر 12 او 13 سنه عند الاولاد وعند البنات من 11 سنه ودا ليه علاقة بالهرمونات يعنى عند عمر 10 سنوات الحقى بسرعة لان ماعندكيش وقت علشان كده كان الامر بالضرب يعنى السعى والحركة

5- خلى ابنك او بنتك يبقوا امام حتى لو فى صلوات نافلة بالنسبةلك ولو قدرتى تلاقى حد ياخده للمسجد حتى ولو مرة فى اليوم تمام

6- خليهم يكونوا مسئولين عن اولاد اصغر منهم سواء فى المسجد او اولاد الجيران يعلموهم الصلاه والقران

7- عوديهم على فعل الخير ( صدقه- زيارة ايتام بنفسكوا - زيارة مستشفيات......... )
كل الحاجات دى بتزكى الطفل و بتخلى نفسه جاهزه اكتر للعبادة

8- راجعى نفسك وعلاقتك بربنا

9- ادعيلهم بقوة ادعى قوى كأنك غرقانه انت وهم علشان ربنا يحفظهم ويربيهم على عينه لان هو موجود فى الاوقات اللى انت مش موجوده فيها

10 - ما تزنيش نبهى فى اول الوقت واخره وجزاكى الله خيرا

11- القصص الواقعيه اللى حصلت بجد سلاح رهيب يقرب الاولاد من ربنا حكايات الانبياء والسلف الصالح و هاتيلها وسائل مختلفة فيديوهات وقصص وانت اقعدى احكى

12- جلسة العائلة جلسة اسبوعيه بنتعلم فيها 5 ايات بتفسيرهم لو قادره اكتر من كده اوك بس لان الاولاد فى المرحلة دى وهى مرحلة الجدل بيكونوا محتاجين لتفسير كل حاجه فى حياتهم ومش عاوزين الحاجه كده وغالبا مش بيسالوا وبيحاولوا يوجدوا التفسير بأنفسهم محتاجين يحسوا ان القران مش كلام وخلاص لا كلام ليه معنى جاى من عند الخالق و يمكننا فهمه والعمل به.

كلمة للامهات المجتهده لو عملتى كل حاجه وما فيش فايدة او لو طاقتك محدودة وجايبه اخرك ومش عارفة تعملى احسن من اللى بتعمليه وما فيش حد يساعدك
اعرفى انه ابتلاء واصبرى وادعى ربنا جامد جدا ما تيئسيش وصلحى من نفسك على قد ما تقدرى واستغفرى وكونى على يقين من ان ربنا معاكى
(والذين جاهدوا فينا لنهدينهم سبلنا)
وربنا معانا كلنا

انتهت كده سلسلة الصلاة

لينك الخطوة الأولى https://genius1center.blogspot.com/2019/08/blog-post.html

لينك الخطوة التانية https://genius1center.blogspot.com/2019/08/blog-post_14.html

لينك الخطوة التالتة https://genius1center.blogspot.com/2019/08/blog-post_30.html

لينك الخطوة الرابعة المرحله الاولى https://genius1center.blogspot.com/2019/08/blog-post_90.html

خطوات عمليه لتحبيب أولادى فى الصلاة ( الخطوة الرابعة المرحلة الأولى )

خطوات عمليه لتحبيب أولادى فى الصلاة

الخطوة الرابعة / المرحلة الأولى

  فوجئت وانا باحضر لسلسلة تعليم الصلاة للاطفال بشيوخ كتير تفتى بضرب الاطفال بحاجات كتير من بينها السوط تأديبا من أجل الصلاة

أنا مش مفتية خالص بس اتعلمت ان احاديث الرسول صلى الله عليه وسلم تعضد بعضها بعضا او بتبقى متماشية مع ايات القران او بلاقى تطبيق عملى فى حياته صلى الله عليه وسلم يوضح مقالة الحديث

والتطبيقات العمليه كانت نتيجتها كالتالى:

الموقف 1: قالت عائشة -رضي الله عنها- : (مَا ضَرَبَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِيَدِهِ امْرَأَةً لَهُ قَطُّ وَلَا خَادِمًا)

الموقف 2: قال أنس بن مالك: كان رسول الله صلى الله عليه وسلم من أحسن الناس خلقا، وأرحبهم صدرا، وأوفرهم حنانا، فقد أرسلني يوما لحاجة فخرجت، وقصدت صبيانا كانوا يلعبون في السوق لألعب معهم، ولم أذهب إلى ما أمرني به، فلما صرت إليهم شعرت بإنسان يقف خلفي، ويأخذ بثوبي، فالتفت فإذا رسول الله صلى الله عليه وسلم يبتسم ويقول: «يا أنيس، أذهبت إلى حيث أمرتك؟»، فارتبكت وقلت: نعم، إني ذاهب الآن يا رسول الله. والله لقد خدمته عشر سنين، فما قال لشيء صنعته لم صنعته، ولا لشيء تركته لم تركته

الموقف 3:
كنت أضرب غلاما لي بالسوط فسمعت صوتا من خلفي اعلم أبامسعود فلم أفهم الصوت من الغضب
‏قال:فلما دنا مني إذ هو رسول اللهﷺ فإذا هو يقول
‏اعلم أبامسعود
‏اعلم أبامسعود
‏قال فألقيت السوط من يدي
‏فقال اعلم أبا مسعود أن الله أقدر عليك منك على هذا الغلام
‏قال فقلت: لا أضرب مملوكا بعده أبدا

النتيجة : ما فيش ضرب على الصلاة خاصة ان طفل العشر سنوات غالبا غير مكلف بعد

طيب معنى الضرب اللى فى الحديث ايه انتظرونى البوست الجاى قريبا ان شاء الله

لينك الخطوة الأولى https://genius1center.blogspot.com/2019/08/blog-post.html

لينك الخطوة التانية https://genius1center.blogspot.com/2019/08/blog-post_14.html

لينك الخطوة التالتة https://genius1center.blogspot.com/2019/08/blog-post_30.html

خطوات عمليه لتحبيب أولادى فى الصلاة ( الخطوة التالتة )

خطوات عمليه لتحبيب أولادى فى الصلاة 

الخطوةالثالثة 

****(مروهم على سبع )
حديث عن الرسول صلى الله عليه وسلم وطبعا ما فيش كلام فيه بس فى حاجه كلنا ناسيينها هى .....................كيفية الامر............. ازاى الرسول صلى الله عليه وسلم كان بيتعامل مع الناس السيدة عائشة كانت بتقول انه كان يتخولنا بالموعظة بمعنى انها ماكانتش عمال على بطال
اولا كان ليها وقتها
ثانيا كانت دايما خفيفة
ثالثا الاسلوب كان بيختلف من شخص للتانى على حسب طبيعة الشخص يعنى مثلا لو راجعتوا الاحاديث اللى فيها عظنى يا رسول الله هتلاقوا ان الطلب دا اكتر من صحابى طلبه وهو كان بيرد عليهم ردود مختلفة على حسب طبيعة الشخص
ومثلا فى غزوة الحديبية لما قريش كانت بتبعت كل شوية حد علشان التفاوض طريقة استقبال الرسول صلى الله عليه وسلم لكل واحد فيهم كانت مختلفة مش كلهم زى بعض.

رابعا: كان بيراعى الاعمار المختلفة وطبيعة العمر
(فى سلسلة لكيفية تعامل الرسول صلى الله عليه وسلم فى مواقف مختلفة مع الاعمار المختلفة هتنفعكم جدا هتلاقوها فى التعليقات)

الخطوةالثالثة كيفية الامر
1- لازم علاقة ابنك بالدين تكون بادئة من بدرى بحب الله وحب الرسول ودى كانت فى الخطوة واحد واتنين هتلاقوا اللينك فى التعليقات.

2-ابدأى بالتدريج مش لازم يصلى الخمس صلوات مره واحده ممكن يصلى الصبح وبعدين يبدأ صلاة الظهر لما تكون صلاة الصبح بقت شىء تلقائى وهكذا

3-اعرفى طبيعة طفلك لو شخصية:
بصرية: هتلاقيه سريع بيحب القيادة الاوامر المباشرة غالبا مش هتجيب نتيجه اعملى افكار بصرية لمتابعة الصلاة زى مثلا لوحه عليها اسم الصلا وعدد الركعات وشكل عقارب الساعة اللى هتكون فى الوقت اللى المفروض يصلى فيه شجرة الصلاة من الوسائل المعينة
طبعا وجود الطفل دا فى الامامة هيساعده كتير..

حسية: بتلاقيه طفل حساس ويحب القرب منك وانك تحضنيه كتير غالبا اللى الحاجه الاساسية اللى هتساعده هى وجوده الى جوارك اثناء الصلاة اللبس المختلف للصلاة السجادة المعطرة بالمسك المخصوصة ليه.

سمعية: غالبا بيكون طبيعة منضبطة لوحدها بس لازم يكون مقتنع جدا لانه مع الانضباط العالى يستطيع التفلت بذكاء شديد وغالبا الاذان والاناشيد اللى مع الصلاة بتجيب نتيجة كبيرة

4- نبهى مرتين عند اول الوقت وعند اخره ولو الصلاة فاتت حاولى بالطرق الغير مباشرة من قصص واناشيد ووسائل.

5- اوعى تحسسيه انه بيصلى علشانك او علشان يرضيكى حتى لو التزم فترة فى الحالة دى هيرجع ويسيب الصلاة .

لو تقدرى تطبقى جدول الصلاة على نفسك بحيث تعلقيه وتصححى فيه لنفسك هيحسسهم ان كل واحد لازم يحاسب نفسه مش مستنى حد يحاسبه.

6- قدرى العمر العقلى لطفلك اوعى يكون ادراك ابنك اقل من سنه وتقولى هعامله زى سنه مش بس فى الصلاة دا فى كل حاجه وتقبليه زى ما هو كده.

7- ابدأى بالخطوة واحد واتنين مهما يكون عمر ابنك وماتستعجليشش على انك تأمريه بالصلاة طالما ما جهزتيهوش ليها

طب ايه حكاية واضربوهم على عشر استنونى فى البوست الجاى 

لينك الخطوة الأولى https://genius1center.blogspot.com/2019/08/blog-post.html

لينك الخطوة التانية https://genius1center.blogspot.com/2019/08/blog-post_14.html

خطوات عمليه لتحبيب أولادى فى الصلاة ( الخطوة التانية )

خطوات عمليه لتحبيب أولادى فى الصلاة

 

الخطوة التانية 

هى لو كانت عين واحدة بدل اتنين كنا هنعترض اكيد لا
هو لو كان الايد الواحده ب 3 اصابع كنا هنعترض اكيد لا
هو لو كان ظهرنا منحنى جامد زى الحيوانات كنا هنعترض اكيد لا
ما كناش محتاجين السما دى كلها ولا عدد النجوم دى كلها و لا كنا هنعترض لو ما فيش شمس ولا قمر
ما كناش هنعترض لو كل عدد المزروعات دا مش موجود و لا الالوان اللى فى الطبيعة دى موجودة
ليه؟
ليه كل النعم دى ليه الاحسان دا كله لينا نحن البشر
لانه لو فى حد بيساعدك من غير غرض
بيعطيكى على الحسنة اضعاف
بيهيألك كل حاجه فى طريقك من غير ما تسألى فأكيد هتحبيه
النفس فطرت على حب الاحسان وهيبقى سهل علينا اى طلبات ( أحبوا الله لما يغذوكم به من نعم ) حديث عن الرسول صلى الله عليه وسلم

10 دقائق تفكر يوميا بنية ادراك إحسان الله الينا هتكون

الطفل غالبا لايستطيع ادراك الغيبيات و لا يستطيع تفهم فكرة الوقوف لمدة خمس دقائق عن الحركة من اجل تلاوة بعض الايات التى لا يفهم معناها
ولكن الفطرة تدرك معنى الاحسان معنى العطاء الغير مشروط تدرك معنى حب الله لنا فى كل شئ و فى كل معنى من معانى الحياة حولنا وفى انفسنا
10 دقائق تفكر ستؤثر فينا انفسنا قبل اولادنا

الخطوة بالتفصيل
1- سنختار نعمة من نعم الله
2- سيكون الموضوع بشكل سؤال تعجبى من الام مثلا انا مش فاهمه هى فايدة عنينا ايه
3- سنغير من شكل النعمة يعنى مثلا هى لو كانت اعيننا زى عين الذبابة او لو كانت عين واحده طب لو مش فى مكانها....... اجراء نوع من انواع العصف الذهنى
4- نخرج من الحوار باسم من اسماء الله الحسنى او وصف مثلا ربنا خلقنا فى احسن تقويم
5- التاكيد ان ربنا بيعمل كده علشان بيحبنا وان الانسان كان ممكن ما يعرفش ايه الحاجه الكويسة من الوحشة واننا محتاجين نفكر نقرب ازاى من ربنا

الموضوع لازم يكون فى شكل حوار والطفل هو اللى بيقترح مش احنا و هو اللى بيقول هتتفاجئوا بان ال 10 دقائق دول هيغيروا معظم الحاجات اللى بتشتكوا منها سلوكيا

الخطوة دى عمليا نقدر نبدا فيها بعمر ال 5 او 6 سنوات بشرط ادراك الطفل يكون جيد
العبادة عن طريق الحب تدرك ما لا تدركه العبادة بالعقوبة والتخويف من العاقبة

بالنسبة للاطفال الاقل عمرا من اهم الاحتياجات لديهم الشعور بالامان لذلك سمح الرسول صلى الله عليه وسلم بحملهم فى الصلاة والتخفيف فى الصلاة من اجلهم لان الطفل فى هذه المرحلة لا يستطيع ان يدرك لماذا تصمت امى ولماذا تختفى و تاتى بعد مرحلة الخوف مرحلة ادراك اللعب وتحويل كل شئ للعبه علشان كده بيطلعوا على ظهر الام وهى بتصلى
ممكن فى الوقت دا لو مش قادرة تستحملى صعودهم على ظهرك اعملى زى ما الرسول صلى الله عليه وسلم عمل مع سيدنا حذيفة فى غزوة الخندق وهو بياخده تحت عبائته اثناء السجود يعنى ممكن تاخديه تحت ذراعك
لينك الخطوة الاولى https://genius1center.blogspot.com/?fbclid=IwAR1FIZWZopk5rr419VseC28j12x3FyRT4EnWzluEnvhljyfX0OWFupJPB-w

خطوات عمليه لتحبيب أولادى فى الصلاة

خطوات عمليه لتحبيب أولادى فى الصلاة 

الخطوة الأولى 

فى حلقة من حلقات توم وجيرى علشان توم كان يصطاد جيرى كان بيعمل نفسه بيقرأ فى كتاب كوميدى و قعد يضحك ويقلب كل صفحة من صفحات الكتاب ويضحك
اثار انتباه جيرى خلاه عاوز يعرف ايه اللى مكتوب وبيضحكه قوى كده وفعلا طلع على الكتاب علشان يقراه

ولو انا قلتلك دلوقتى ان فى مطعم حلو جدا و اكله نضيف جدا و رخيص و ما بيعديش على يومين غير ولازم اروح اكل عنده هتقوليلى هو فين وهتبقى عاوزه تروحى فعلا

ولو قلتلك ان فى طريقة ممتازة ومجربة علشان تخسى وانا جربتها فعليا وخسيت 10 ك فى اسبوع هتبقى عاوزة تعرفى ايه الطريقة دى باى شكل وهكذا

التجربة العملية المثيرة هى أول ما يجذب الانتباه ويضع الثقة ويحبب الانسان فى التجريب

المفتاح العملى الاول اللى يخلى ابنك يحب الصلاه هو صلاتك انت نفسك
أرحنا بها يا بلال كان بيقولها الرسول صلى الله عليه وسلم قبل الصلاة والصحابة كانوا بيوصفوا صلاة الرسول من حلاوتها
الخطوة باختصار:
- حافظى على الصلاة فى موعدها
-اوصفى احساسك وانت داخلة على الصلاة
- صلى بخشوع قدر الاستطاعة
- استشعرى السلام النفسى فى الصلاة و بعدها لانى لو زعقتى او ضربتى لاى سبب من الاسباب بعد الصلاة مباشرة دا بيعطى الطفل احساس انها مش امان وان كل اللى بنقوله عن الصلاه مش حقيقى
مستنية تقولولى عملتوا ايه فى الخطوة دى علشان ننزل بالخطوة اللى بعدها
ارجو المتابعة ضرورى لان الموضوع دا لازم يكون عملى جدا علشان يجيب ثمرة

تابعوا معانا لباقى السلسلة ♥